PIGUNAN TUMPENG KANGGO AGESANG KITA (2)

Karipta dening: Rus Rusman

Tumpeng ing jaman saiki ora mung ngandhut arti filosofis, nanging uga diisi kanthi nilai kang artistik.

Tumpeng nduweni nilai kaendahan lan nilai ekonomi utawa bisnis.

Akeh para wanita wiraswasta ingkang nyawisake pesenan kanthi regi ingkang saé.

Tumpeng diwenehi hiasan lan disusun kanthi artistik, yaiku ana pitung unsur.
Wilangan pitu kuwi nandakake makna "pitulungan".

Unsur pitu antara liya kalebu:
1) tampah, yaiku wadhah utawa panggonan kanggo dhasare,

2) beras bucu sing wewangune gunungan utawa kerucut,

3) sayuran kluwih,

4) pitik panggang,

5) sayur-sayuran,

6) endhog godhog, lan

7) gegodhongan urap.

Kabeh unsur mesthi duweni arti dhewe-dhewe.
Contone kanggo urap nabati, sing uga kasusun saka wolung bagean:

1. Kangkung, sing tegese jinangkung utawa dilindhungi,

2. Bayam (bayem) tegese ayem tentrem,

3. Taoge / cambah sing minangka pralambang kasuburan,

4. Kacang dawa tegese amemikir sing adoh ing ngarep,

5. Bumbu goreng dikarepake kanggo nimbang kabeh babagan apik ala kanti pikiran dewasa,

6. Lombok abang ing pucuking sega minangka lambang geni sing nyedhiyakake pepadhang kanggo wong liya,

7. Kluwih artine linuwih utawa duwe kaluwihan, lan

8. Godhong urap-urapan sing artine bisa ndhukung (nyedhiyakake) kabutuhane kulawarga. ***

Keterantan:
Penulis minangka pemerhati budaya.